MPCC Communication Department-in tun hnaia MNF-in Lottery a buaipui chiam chhan chu an Party chhunga buaina thup bo an tumnaah a puh. Vawiina thuchhuah an siamah MPCC Communication Department chuan, MNF party chhungkuaah inhruipawhna a nasa hle nia sawiin, lam\ang awma an inbeih avangin an hruaitu pawimawhte pawh social media-ah hial an inbei chhuak niin an tarlang a. Heimi thup nan hian rem leh rem lovin thil tih tur an zawng a, kum 2015-a an lo sawi tawh State Lottery chu an buaipui thar leh ta niin an sawi a ni. MNF Sorkar lai khan Lottery chungchangah khatih laia Chief Minister, Pu Zoramthanga chu a hmingchhe hle a, Gauwahati High Court-in hriattirna a pe hial niin an sawi a, Pu Zoramthanga hunlaia vai company uchuak taka a lo duhsak tawhna, MNF Lottery Scam kha mipuiin an hriat chhuah thar phah beiseiin MNF hruaitu lawk, Pu Zoramthanga duhlotute hian hma an la niin hriat a ni tih an sawi.
