Aizawl khawpui bakah World Population Day hi vawiin khan Lawngtlaia CMO Conference Hall-ah hman a ni

0
554
views

Aizawl khawpui bakah World Population Day hi vawiin khan Lawngtlaia CMO Conference Hall-ah hman a ni a, hetah hian Chief Medical Officer, Dr. Lalthlamuana chuan he ni thupui, ‘Naktuka i lo hlim zawk nan vawiinah i chhungkaw tan ruahmanna rintlak siam rawh’ tih chu sawifiahin khawvelah mihring an pun chhoh mek laiin ruahman \ha siam lova mihring an pun chhoh chuan harsatna a thleng thei a, chhungkaw tana ruahmanna siam tih hian chhang ti khat emaw, nau neih zel emaw a kawk lova, a thil tum chu mihring pung zel tur awmze nei taka ven niin a sawi a ni. CMO chuan Mizoramah mihring an la tlem tih sawiin, World Population Day-ah hian Health Deptt. chuan awmze nei taka mihring inthlahpun leh naupiang tih tlem inzirtir hi a kalpui niin a sawi a ni. He inkhawmah hian Dr. B. Lalduhoma chuan fa nei tawh lo tura nu leh mipa insiam dan te, rai lo tura invenna hmanraw hman chungchangte sawiin, heng hmanrua te hi Sub Center, Community Health Center leh Village Health Center-ah te hmuh theih niin a sawi a ni. He inkhawm hi National Health Mission-a District Programme Manager, Pi Lalkhawngaihdawngi’n a kaihruai a ni.