MPCC hian vawiin khan hruaitu thar hi an thlang a, Vice President thar, Pu H. Liansailova leh Treasurer thar, Pu Zodintluanga te hian tunhma lamin tuna an dinghmun ang hi an la chelh ngai lo ve ve a ni.
MPCC Executive tur mi 60, Mipa 50 leh Hmeichhia 10 te thlan nghal nghal an nih bakah Aizawl District Congress Committee hruaitu thar tur te thlan nghal a ni a, hetah hian chuhtu dang awm lovin President-ah Pu Vanlalzuiliana, Dawrpui Vengthar, Vice President-ah Pu Lalhuapzauva, Vaivakawn leh Treasurer-ah Pu Lalhmingthanga Pachuau, Chanmari thlan an ni.
Aizawl District Congress Committee Executive member 45, Mipa 41 leh Hmeichhia 4 thlan chhuah tur pawh chuhtu dang an awm loh avangin hming pelut mi 45 te chu tlinga puan an ni.
