Education Minister Pu Lalchhandama Ralte leh MSU hruaitute tukina an inbiak hnuah MSU leh sorkar hian inremna an ziak a, sorkar aiawhin School Education Secretary Pi Esther Lal Ruatkimi’n hming a ziak a, MSU aiawhin an president Pu Vanlalliana Khiangte in hming a ziah hnan a ni.
An inremna ang hian Sorkarin Primary School zirtirtu 817 leh Middle School zirtirtu 64 a lak turah written test neih a ni lo ang a, personal interview-ah full mark 100 a ni ang a, heta \ang hian MTET neiin mark 10, diltute IQ in mark 20 leh a khawmi an nihna in mark 20 a keng tel ang.
Inremna an siamah hian hun lo kal leh zel turah zirtirtu a hlawma lak leh a awm anih chuan written test neih \hin a ni tawh ang tih pawh tarlan tel a ni.
Sorkarin Primary leh Middle school zirtirtu 881 lak a tumah written test nei lova personal interview hmang chauha lak a tum chu MSU hian duh lovin an dodal a, Education Minister nen an inbiak hmasakin thutlukna mumal nei lovin an in \ha\hen a, tukin khan inbe lehin, hemi hnu hian inremna hi ziah a ni.
