Vawiina Congress Bhavan-a inkhawmah thu sawiin, Pu Lal Thanhawla chuan, CEO thar Pu Ashish Kundra pawhin Mizoram chu Democracy rama inthlanna awm tawhah chuan a muanawm leh felfai ber a ni tiin a sawi hial a ni a ti a, State dangte entawn tlak inthlanna muanawm tak kalpui a ni chu a lawmawm a, hemi a awm theih nana hmalatu hrang hrang a bikin, MPF te hmalakna chu chhuan tham niin a sawi.
Pu Lal Thanhawla chuan, inthlanna muanawm tak neih a ni chungin, Party \henkhat chuan sum an chelek nasa hle niin a sawi a, hetiang a nih laia Congress Party-in sawi an kai ve lo chu a lawmawm hle a ni a ti a. He inthlanah hian an party chu a lo chak ta a nih pawhin an party mite chu chak dan thiam tur leh an chak zo ta lo a nih pawhin puitling taka chak loh dan thiam turin a chah a ni. Pu Lal Thanhawla chuan, BJP-in sum an chelek tih chu zep rual a ni lo tih sawiin, Congress party chu chak hle tura an inngaih laiin an chak lo thei a, chutihrualin an beisei aia tam an la thei bawk niin a sawi a, inthlan result puan hunah BJP hian \an an la dawn a, MLA pakhat tal pawh an neih chuan hmarchhak bial State dang Meghalaya, Manipur leh Nagaland angin MLA tlemte nei chungin BJP kaihhruai sorkar a ding ang tih a hlauhawm hle niin a sawi.
He inkhawmah hian bial hrang hranga Congress candidate leh campaigner-ten an bial \heuha an hmalak dan hrang hrang an sawi a ni.
