Vawiina Aizawl North II Block Congress Committee inkhawmpui a hmanpuinaah Pu Zodintluanga hian Chief Minister-in Delhi-a hapta hnih a cham chhungin Mizoram tana hawn sawi tur a awm lo niin a sawi bawk.
Pu Zoramthanga kaihhruai MNF sorkar chu mipui ringtu an tlahniam nasa hle niin Pu Zodintluanga hian a sawi a. Assembly inthlan hnuhnung berah khan zaa 65 laiin MNF hi an duh lo a, 30% zingah pawh MNF sorkar laka rinna nghattu an tlahniam nasa hman tawh hle a ni, a ti a. Inthlan hmaa cheng nuai 3 sem anih tur thu an puan laiin an sorkar hnuah chuan Project behchhana an kal tur thu an sawi leh ta daih si a ni a ti a, MNF sorkar chu an thutiama ding lovah a puh a ni.
Pu Zodintluanga hian MNF sorkar chu engvanga BJP hlau ta em em nge an nih tih chu zawhna lian tak a ni, a ti a. Mizoram-a BJP MLA pakhat awmchhun in Chief Minister fiamthu thawh nan a hmang fo leh Mizoram BJP Preaident in an MLA chungchang NEDA Convener Himanta leh Pu Zoramthanga ten an sawidun tur thu a sawi te chu thil mak tak a ni a ti.
