MPCC Treasurer Pu Zodintluanga MLA in MNF sorkar chu an sorkar tuk a\anga mi chawbela awm sa chhuhsaktu an nih avangin Ni tha lova roreltu an ni, a ti.

0
327
views

He thu hi vawiina Siaha Congress Bhavan-a Mara District Congress Committee Conference leh General Election a hmanpui naah sawiin, Pu Zodintluanga chuan sorkar thar hmalakna hmasa ber chu itsikna a ni a ti a, an sorkar tirh phatin an rorel hmasak berah mite ta chhuhsak pawisak lohnain an \an a, Sorkar hmasaa contract hna pek tawh Work Order an kawl vek tawhte pending sakin an chhuhsak a, mi thleng ami an va awt ngawih ngawih a ni a ti.

Pu Zodintluanga chuan Autonomous District Council pathum LADC, MADC leh CADC te chu State-ah Congress-in rorelna a chan lai chuan thlamuang takin ro an rel \hin a, buaina a awm ngai lo tih a sawi a. MNF-in thla sarih thla riat chauh ro an la rel hman tihah tun hmaa an zia pholang lehin heng District Council pathumte hi an tibuai vek a, a thlang tlingtu mipui pawh an chiai zo a. CADC an tibuai vek a, LADC tibuaiin Court-ah an inkhing a, MADC pawh dissolve-ah an vau avangin BJP-ah an kal a, BJP-a an kal hnuah an khawih ngam ta lo a ni a ti.

Pu Zodintluanga chuan MNF chu an hotu lu ber a\angin an flagship programme an \helh a, sum siamna atan mai an hmang dawn nia a lan thu a sawi a, Chief Minister chu BJP lakah a zawr hneh hle niin a sawi bawk. MDCC khawmpui leh inthlan inkhawm hi MDCC President Pu S. Hiato-in a kaihhruai a ni.