Thakthing Venga lirthei dahna tur building chhawng leh a kaihhnawih thil dang sak \anna tur lungphum Dy Chief Minister Pu Tawnluia’n vawiin khan a phum.

0
352
views

Multi-Level Car Parking cum Market & Multi Utility Building tia vuah sak \anna tur lungphum puala inkhawm buatsaihah Pu Tawnluia chuan Smart City Mission hnuaiah kawng hrang hrangin Aizawl khawpui thawm that hna kalpui a nih tur thu a sawi a, khawpui chhung hmun pawimawh zuala CCTV dah te, tui, electric leh bawlhhlawh paih dan thlengin, huamzau taka hmalak a ni a ti a, mipuiten awlsam zawka sorkar an dawr theihna tur Common service centre te leh hmun hrang hrangah wifi hotspot te dah a nih tur thu a sawi bawk.

UD&PA Secretary Dr. C. Vanlalramsanga kaihhruai inkhawmah hian UD&PA Executive Engineer Pu C. Malsawma’n Multi-Level Car Parking Cum Market & Multi Utility Building sak dan tur hi a sawifiah a, UD&PA department kaltlangin cheng nuai 884.73 senga sak tur a nih thu leh Basement I, II leh III awm tur a nih thu a sawi a. He buildingah hian LMV 30 leh two wheeler 30 hun theih tura rauhman a ni a, Bazar, Auditorium leh Facilities centre te awm tura duan a ni. Thla 24 chhunga sak zawh tura ruahman a ni.