Mizoram People Forum (MPF)-in vawiin khan Treasury Square-a ZPM Pisa tlawhin, Political Party hrang hrang nena thawh hona thuthlung an siam chu vawng nung turin an ngen. MPF General Secretary, Rev. Dr. R. Lalbiakmawia chuan, tunhma lama tih \hin dang anga Policy inziah \hat siak ringawt ni tawh lovin, a taka tihhlawhtlin theih ngei tur chauh Election Manifesto-a ziak turin Political party tinte chu an beisei tih a sawi a. Rev. Dr. R. Lalbiakmawia chuan, uchuak taka induhsakna chu Mizoram chhiatna a ni tih sawiin, Party mi leh sa an induhsak dawn a nih pawhin mipui lamin duhsak tlak khawpa hna an thawh \hat ve a \ul tih a sawi a. Political Party hrang hrang hruaitute chu Candidate-te hnena beisei nei lo tura inzirtir a \ul thu leh chumi kawnga hmala tura ngen \hin thu sawiin, candidate-te chu mipuiin thil an dil nasat avangin a tling zo ve ta lo \henkhat chuan leiba tam tak an neih phah \hin avangin sim hmak a ngai tih a sawi. MPF General Secretary chuan, India ram hmun \henkhatah chuan Candiadte-ten mi hausa leh Company-te hnen a\angin Donation an dawng \hin a, an tlin hnuah chung mite thu chu an zawm a ngaih \hin avangin hetiang ti ve lo tura lo invenglawk turin MLA nih tumte chu an beisei thu leh tuna MPF leh Political Party hrang hrangin thawh hona thuthlung an siam chu zawm tum \heuh turin a chah a. Hei hi \ha taka an zawm a nih chuan State dangte tan entawn tur \ha tak an hnutchhiah thei dawn tih a sawi bawk.
He inkhawm hi ZPM Steering Commitee Chairman, Pu Lalliansawta’n a kaihruai a, mipuiten an thil hriatthiam loh leh zawhna hrang hrang an neihte chu MPF hotuten an hrilhfiah nghal a ni.
