Thenzawla Tourist Lodge bulah motor lianin nu pakhat leh a fanu, kum 1 chuang hret a chil hlum

0
185
views

Nimin tlai dar 3 vel khan Thenzawla Tourist Lodge bulah motor lianin nu pakhat leh a fanu, kum 1 chuang hret a chil hlum a, a chiltu Truck a tlanbo zui. Thenzawla Police hotute hnen a\anga thu dawn danin Motor chil hlum hi Pi Lalngaihsaki, kum 40 vel mi a ni a, a rual hian a naute puak kum 1 chuang hret pawh a chil hlum a, a ruala kal ve, a fate 2, hmeichhia leh mipate erawh chu motor hian a chil ve lo a ni. He vanduaina thleng hi hriat anih veleh Police leh YMA ten an buaipui nghala, an ruang hi Thenzawl Police Stationah lak a nia, hetah hian mi tlawmngai ten an tlaivar pui a, Thenzawl Damdawiina Doctor ten an enfiah hnuah leh tihfel ngai dangte tihfel a nih hnuah vawiin khan an ruang hi Pi Lalngaihsaki pianna Champhai District a Ngur khuah vui tura lak a ni. Pi Lalngaihsaki hi Thenzawla pasal nei, a pasal nena an in\hen hnua Thenzawl leh Sialsuk inkar, Charpui an tiha mi in luah a khawsa a nia, Thenzawlah hian a leng foa, vanduaina a tawh ni pawh hian Thenzawlah an leng a ni. He tih lai hian Pu Lalngaihsaki-te nufa chilhlumtu Truck hi chhui zui zel a nia, rinhlelh pakhat chu hren a ni tawh a, a khalhtute thu zawh fiah mek a ni.