MTOA leh MOTOA chuan AIMTC nawrh tumna zawm dawn lo

0
619
views

All India Motor Transport Congress-in tun thla ni 9 leh ni 10-a ram pum huap nawrh an tumna chu Mizoram Truck Owners Association leh Mizoram Oil Tanker Owners Association-in an zawm ve dawn lo. All India Motor Transport Congress hian chhiah lak dan thar, Goods and Services Tax chungchanga an lungawi lohna lantir nan naktip, Thawh\anni leh Thawhlehni hian ram pumah nawrh an tum a, Truck khalhtu, mi nuai 93 leh bus leh bungraw phur motor dang khalhtu nuai 50 velin an zawm dawn a ni. Hemi chuangchanga MTOA hotute hnena a\anga ZONET thu dawn danin, he nawrh tumna chungchang leh, hriattirna leh thlawp tura ngenna engmah an dawn ve loh avangin dan pangngaia hnathawh an tum a ni. Ram puma an nawrh chhan tur, GST hman hnua check post khar mumal la awm loh avanga chhiah chawi nawn nia sawi chungchangah pawh harsatna an la tawk ve lo niin an sawi. Mizoram Oil Tanker Owners Association hotute pawhin he nawrhna hi an zawm ve dawn lo tih an sawi a, hriattirna engmah an dawn loh thu sawiin, dan pangngaiin an tlan dawn niin an sawi bawk.