Reiek RD Block huam chhunga sorkar sum hmanga hnathawh hrang hrang journalist-te’n an enfiah

0
331
views

Reiek RD Block huam chhunga sorkar laipui leh state sorkar sum hmanga hnathawh hrang hrang chu nimin khan Aizawla thuthar theh darhtu \henkhatin a hmunah an enfiah a. Reiek BDO, Pi ST. Lalvensangi sawi danin, kum 2016-17 chhung khan Reiek RD Block huam chhungah Social Welfare Department nena \angkawpin MGREGS hnuaiah Anganwadi Centre pathum – Darlung, Dapchhuah leh Rawpuichhip-ah sak a ni a, changpat hmanga lei \ha siamna tur chu mi 81 pek an ni a, Individual Household Latrine (IHHL) hnuaiah ek in nei \ha lo chhungkaw 32, ek in sak sak an ni. Sorkar kum kal mek 2017-18 chhung hian NREGS sum hmangin ek in 16 sak a ni tawh a, Reiek RD Block chu pawn lera inthiar awm lohna, Open Defacation Free-a puan thei a ni tawh a ni. Pi ST. Lalvensangi chuan, kum 2016-17 chhung khan Housing for All hnuaiah in sakna tur nei lote tan PMAY(G) hnuaiah chhungkaw 32 thlan chhuah hnenah 1st instalment pek tawh a ni, tunah hian 2nd instalment an beisei leh mek niin a sawi bawk.