Mualpui Rajiv Gandhi Stadium-a Sipai lak runpui neih mek chu National Student’s Union of India houten vawiin khan an tlawh a, Mizo quota 300 awm hnawhkhah a nih theih nan Mizo \halai tam thei ang ber la turin Sipai hotute an ngen.

NSUI hotute chuan \umdanga Sipai lakah Mizo Quota hnawh khat lo a, hmundang a\anga hnawhkhah a awm leh awm loh an zawhna chu Sipai hotute hian a awm loh thu leh Mizo Quota chu mizo \halaiin an hnawhkhah ngei theih nan an buaipui mek thu an lo hrilh a ni. Congress Party in sorkarna a siam hunlai kum 2018 khan MYC in Sipai lak Runpui kum puangin sipaia intlar tur mizo \halaite nasa taka \anpui an lo ni tawh tih NSUI hian an sawi a, MNF sorkar a MYC erawh chuan hmalakna a nei lo nia sawiin pawi an tih thu an sawi a, Mizo thalaite hmakhua ngaia Youth Vikash Society ten Pre Recruitment rally a buatsaih erawh fakawm an tih thu leh a khar ni a khuallian Home Minister chuan Mizo \halaite tan ngaihtuahna thar seng se an duh tih an sawi.