Kum 2008 leh 2013 Assembly inthlanpui neih dawna MPCC nen inremna thuthlung an siam tihhlawhtlin phut nana MURA member-ten chaw an nghei vawiin chawhnu dar 2 a\ang khan titawp lailawk a. An pawl President, Pu PC Lal\huama chuan chawnghei an tihtawp lailawk chhan chu hetiang hian Zonet a hrilh.
Puan tawh angin MURA member-te hian an thilphut tihhlawhtlin nawr nan tun thla ni 6 a\anga khan tiamchin awm lovin chaw an nghei a. MURA member-te hi tunkar thawhlehni khan MPCC hruaituten tlawhin chaw an nghei lai chu titawp turin an ngen a, an inbiaknaah hian MPCC hruaitute chuan MURA-te thilphut chu tihhlawhtlin an tiam theih loh avangin inremna an siam thei lova, vawiin khan Chief Minister Adviser, Pu KVL Siamkima hovin MPCC hruaituten an tlawh leh a, karleh thawh\an hian Chief Miniser hova an inbiak dawn avangin an chaw nghei mek chu tihtawp lailawk an remti ta a ni.
