He sawi honaah hian Lungleia Settlement Officer, Pi C. Laltleipuii hovin Surveyer leh Pukpui VC Member te an tel a, Pukpui ram chhung Mausep hmuna Campus hmun tur Survey neih tawh chu thlir hovin, hmalak zui dan tur an sawi ho nghal a ni. Pukpui VC hruaitute chuan chhim lam hmasawnna atana a tul anga ram mamawh zat pek an inhuam thu an sawi nawn a, Survey neih tawh atangin ram Acre 709.959-a zau pawh pek an inhuam tih an sawi a. Tlawng Lui Riverined Reserved Area chu ngun zawkin Survey leh ni se, chu chu Pukpui VC in lo enfel se, ram Acre 500 -a zau tur ruahmanna lo siam se tiin thutlukna an siam a ni.
