Prism Party-in Mizoram sum dinhmun sawifiah thei Finance Minister Mizoram-in a mamawh tih an sawi.

0
37
views

Prism Party hian Finance changtu Chief Minister, Pu Zoramthang’n Mizoram sum dinhmun dik tak a sawi thei lo chu thil ni thei lo hulhûal leh zahthlâk tâwp a ni, an ti a. Covid 19 hri lêng vangin State budget chu ruahman anga hman theih a ni lova, ruahman lâwk loh sum tam tak sên a nih rualin, sum dawn tùra ngaih lâwk ni lem lo dawn pawh a awm tih Prism hian an sawi a. Chief Minister berin sum tamzia a sawi reng lâiin sorkâr hnathawk hlawh cut tumna a lo awm lawi a, Mizoram dinhmun dik tak chu mipuiin an hriat a ngâi a, hre tùrin dikna pawh an nei a ni, an ti. Prism hian Chief Minister in sum dinhmun chungchângah rinthu pawh sawi ngaihna a hriat loh thu a sawi chu demawm an tih thu an sawi a, rûahmanna nêna inmil lo leh ram hruaitu lû berin a hriat loh leh a sawi pawh a sawi chian ngam loh khawp, sum hman a ni tih a chiang a ni, an ti a. BAFFACOS ang maia chin pherha dik lo taka duhsak zâwng vùr nâna hman a nih an rin hîal thu Prism hian an sawi.