Federal Council Sitting-a ngaihtuah tur hian MBSE hnuaia zirlaibu-ah Zo-hnam ziarang thahnem zawk telh a nih theih nan MZP in hma la rawh se tih chu an pawm a, hei bakah hian Mizorama Schedule tribe list enfiaha siam\hat a nih theih nan MZP in hmala rawh se tih te, Mizoram pumah Mobile Tower changtlung zawk a awm theihna turin MZP in hma la rawhse tih te, Zirtirtu Transfer and Posting Rules mumal tak Mizoram Education Department in a neih theih nan MZP in hma la rawh se tih te leh Mizoram chhunga dan lova lo lutte dapchhuak a, hrem an nih theih nan hma lak ni rawh se tih te pawh Federal Concil Sitting-a ngaihtuah tur hian an pawm a ni.
MZP Executive committee meeting hi an president Pu Ramdinliana Renthlei in a kaihruai a, Mizoram Hindi Training College-a zirlaiten harsatna an tawh chungchangah a mawhphurtu sorkarin a hrem theihna tura hmalak an rel a, HSLC 2019 exam zawh taka Mizo top-10 a langte chawimawi leh an rel bawk.
