Mizorama Medical College hmasa ber, Mizoram Institute of Medical Education and Research (MIMER) hming Zoram Medical College tia thlak chu lam awlsam zawk tur leh mipui nawlpuiin awlsam zawka an hriatthiam theih tur anih vang niin Health Secreatary in Zonet a hrilh.

0
392
views

Zawhna chhangin Health Secretary, Pu H. Lalengmawia chuan, tun hnaia Mizoram Sorkar Councils of Minister \hukhawmin MIMER hming thlak rawtna a pawm chungchangah thil dang vak a inrawlh a hriat loh thu sawiin, a hming hmasa chu lam a har deuh avangin awlsam zawka lam a nih theih nana tih niin a sawi a, rawtna an siam dan tak phei chuan Mizoram Medical College tia thlak tura tih a ni a, hei hi Councils of Minister \hukhawm chuan ngun taka a ngaihtuah hnuah Zoram Medical College tih a remti ta zawk a, he thutlukna hi Mizoram pawna cheng Zo hnahthlakte tan pawh pawm awlsam zawk dawn nia a hriat thu a sawi.

Zawhna chhangin Health Secretary chuan, MIMER hming thlak a nih avang hian Indian Medical Council-a an inziahluhna leh thil dangah harsatna a awm phah dawn lo tih a sawi a. Hetihrual hian MIMER chu Mizoram Sorkar hnuaia Firm and Society hnuaia in ziaklut a nih avangin a inizahluhna hming chu thlak a ngai dawn a, hei bakah hian Union Health Ministry lamah pawh hming thlak a nih thu leh lehkha pawimawh lo kal turte pawh a hming thara rawn thawn tawh tura tihna thawn a ni ang a, chubak thil danglam vak a awm dawn chuang lo niin a sawi.