MZP Gen. Hqrs. in National Defence Academy tling thar mizo tlangval pahnih te leh College zirlai hruaitu leh Hnampual zirlai hruaitu degree neithar te vawiin khan an chawimawi.
National Defence Academy a lut thar tur mi 2 chawimawina hlan te hi Joel Thangeo, Kaizamang Thangeo fapa leh VL. Malsawmzuala, VL. Zaikima fapa te an ni a, MYC Chairman Pu Joseph Lalhimpuia’n chawimawina thuziak leh MZP in tawlhloh diar an siam chu a hlan a ni.
Hemi puala inkhawm MZP Conference Hall-a neih hi an pawl Vice President B Vanlaltana’n a kaihruai a, a hmanpuitu Mizoram Youth Commission Chairman Pu Joseph Lalhimpuia chuan, zirlai hruaitute chu kawng engkimah zirlaite entawn tlaka nung turin a fuih a, mizo \halai tam zawk sipaia an luh theihna turin kuminah beihpui thlak chhoh mek a ni a ti a, District tinah Pre Recruitment buatsaih an tum tih a sawi. Pu L Ramdinliana Renthlei chuan, Mizoram leh Assam ramri buai chungchanga Sorkar kaihhruai-a hmalakna chu a zawiawi hle tih a sawi a, kar lehah Forest Deptt. kaihhruaiin Vairengte lamah an fehchhuak leh dawn niin a sawi.
