Mizoram Tipper Owners’ and Drivers’ Association-in vawiin khan Chaltlanga Aizawl District Transport Officer, Pu Sanghnuna Pachuau chu a Pisaah hmuin hnam dang lirthei dan kalha Register awmte titawp tura an ngenna bawhzui anih dan an zawtfiah

0
291
views

Mizoram Tipper Owners’ and Drivers’ Association-in vawiin khan Chaltlanga Aizawl District Transport Officer, Pu Sanghnuna Pachuau chu a Pisaah hmuin hnam dang lirthei dan kalha Register awmte titawp tura an ngenna bawhzui anih dan an zawtfiah.

An inkawmnaah hian DTO chuan, hemi chungchangah hian Mizoram Tipper Owners’ and Drivers’ Association-in Ukil an rawih kaltlanga hriattirna a dawn angin, hnamdang lirthei, dan kalha Mizoram Register nia sawite chu an chhui chian mek thu leh hei hi ni 60 chhunga chhanna pe tura tih a nih angin an hriat duh zawng zawng chu ziaka a chhannaah telh a nih tur thu a lo hrilh a ni.

Mizoram Tipper Owners’ and Drivers’ Association President, Pu C. Lalzarmawia chuan, Transport Department-in dan a siamah lirthei Register tur reng reng a dahna tur Garage mumal tak an neih a ngai a, sumdawnna lirthei phei chu an register-na tur hmuna cheng nghet, Mizorama cheng nghet zingah pawh an awmna District ni lova lirthei ziahluh tur chu Affidavit hmanga lehkha pawimawh tihfel a ngai chunga State pawn mi, Mizorama cheng nget pawh ni lote lirthei register a ni chu an hrethiam lo hle tih DTO, Pu Sanghnuna Pachuau chu hrilhin, hei hi tihtawp a nih theih nan a rang lama hmala tura an duh thu a hrilh a, DTO chuan hei hi bawhzui a nih tur thu a lo hrilh a ni.

DTO an hmuh hnua Zonet zawhna chhangin, Mizoram Tipper Owners’ and Drivers’ Association President, Pu C. Lalzarmawia chuan, dan lova Mizorama hnathawk \hinte chu engtikah mah hna thawh chhunzawm an phal tawh dawn lo tih a sawi.