MZP General Headquarters hruaitu tharten an mawhphurhna la

0
719
views

Kum 2017-atanga 2019 thleng atana Mizo Zirlai pawl General Headquarters hruaitu tur thlan tharte chuan vawiin khan an mawhphurhna an la ta. Mawhphurhna inhlanna hi MZP General Headquarters Conference Hall-ah neih a ni a, President kal chhuak ta Lalsangzuala Ngente chuan President thar, L. Ramdinliana Renthlei hnenah mawhphurhna a hlan a, Vice President atana thlan nawn B. Vanlaltana pawhin mawhphurhna a la thar a, General Secretary, L. Ramdinliana Renthlei pawhin General Secretary thar, Lalnunmawia Pautu hnenah mawhphurhna a hlan a, Assistant Secretary kal chhuak ta, Joseph K. Zohmingliana pawhin Assistant Secretary thar, H. Lalthianghlima kutah mawhphurhna a hlan a, Treasurer chawl ta Lalnunmawia Pautu pawhin Treasurer thar, Michael Lalramsanga hnenah mawhphurhna a hlan a, Fin. Secretary kal chhuak ta, Michael Zonuntluanga pawhin mawhphurhna Finance Secretary thar, Andrew F. Lalramnghaka kutah a hlan a ni.

President thar L Ramdinliana Renthlei chuan thusawiin Lokayukta din thuai a nih theih nan hmalak a tum thu a sawi a, zirlai pawl an nih angin zirna ngaih pawimawh chu a tum hmasak tur zinga mi a nih thu leh sorkar zirna in hrang hranga zirtirtu indaih lohna awm chu zirtirtu tlem vang a nih loh thu sawiin sem zai tawk loh vang a nih thu a sawi a, hemi sukiang turin sorkar nawr a nih tur thu a sawi.