MZP huaihawtin Political party leh tlawmngai pawl hrang hrang aiawhte Mizoram leh Assam ramri chungchangah an inrawnkhawm

0
273
views

MZP huaihawtin vawiin khan Political party leh tlawmngai pawl hrang hrang aiawhte Mizoram leh Assam ramri chungchangah an inrawnkhawm a, 1875 Bengal Eastern Frontier Regulation-in Pillar a phunna chu hmanlai a\anga pipute luah chin ram a nih angin Mizoten hei bak ramri a neih loh thu an sawi. Bairabi Zophai hmuna MZP-in Zofate Chawlhbuk sak an tum chu \ha an tih thu leh Chawlhbuk chu ding ngei se an duh thute, MZP-in Mizoram chhungah ngei Zofate Chawlhbuk sak a tum Assam Police-in dodala Silai nena an bei chu an dem thu te, zirlai pawi sawi lote Silai a kah tir a, Firing Order petu Hailakandi DC Adil Khan an dem thu te, heta a mawhphurtute chu Sorkar laipuiin a phutawk hremna pe ngei tur leh he thil thleng ngaihvena kal Mizoram Chanchinbu mite Assam police-in hre reng chunga kut an thlak chu an dem thu te sawiin, Mizoram leh Assam ramri chungchangah Party hrang hrang leh tlawmngai pawl hmingin India President, Prime Minister leh Union Home Minister te hnenah Memorundum thehluh ni se, Mizoram leh Assam ramri chungchang zirchiang tu tur Expert Committee siam tura Mizoram sorkar ngen nise tih leh Party hrang hrang leh tlawmngai pawlte aiawh te chuan Mizoram humhalh turin lungrual taka ke pen ho zel nise \ha an ti tih Resolution an siam a ni.

He inrawnkhawmna MZP Pisa puia neih hi MZP Treasurer, Michael Lalramsanga’n a kaihruai a, MZP President, L. Ramdinliana Renthlei chuan, tuna ramri chungchang buaina hi Political Party anga ham\hat lak tumna chi a ni lo a, hnam leh ram thil tak tak a nih avangin lungrual taka ke pen ho a \ul tih a sawi. Hetah hian Mizorama Political party leh Tlawmngai pawl aiawhte an tel kim a ni.