Fakselna 24th March, 2018

0
486
views

AR Lammual hmar lam Gate-a Chapchar K<t lawmna mau-a siam Banner tar saw \hiat ve tawh em em tawh rawh u. A buaipuitute kha khawnge in awm tak?
Hriata, UPC
—————

Hachhek Bialtu MLA hian tun Assembly Session an neih mekah hian a bial thil engmah a sawi ve dawn lo em? Rengdil khuaa 4th IR dah tur an tih te hi han zawt ve teh se. Tin, Bung\huam khuaa Middle School Headmaster awm tura an tih awm leh duh lohte hi engtin nge an tih dawn? Hachhek Bialtu MLA ka zawt e.

Khawthlang Fa
————-

Opposition MLA te chuan sawichhe reng chung siin NLUP chu an it hle mai maw? Session neih mekah an insum zo ta ngang lova, NLUP trade thlanna-ah chalai tir an nih ve loh avanga an lungawi loh thu an au chhuahpui kha an zak thei lo hi ka tia. A chhan chu NLUP nasa taka sawichhe tute an nih vang a ni. Mahse a r<k takin an lo awt ngawih ngawih tih a chiang reng a, an insum zo ta ngang lo chu a nih kha. An khawngaihthlak ngawt mai.

David M Zadeng
————-

He Mizoram, Kristian ram hi a chhunga chenga mek Mizo Kristiante hian kan hmangaih loh em avang leh kan duat loh em avangin Mizoram leh a chhunga cheng Mizote chu kan boral mek zel ta a ni e.

Mizoram heti khawpa min siam changkangtu leh min tihmasawntu
LAL ISUA THU KAN AWIH DUH LOH VANG A NI E.
8014161467
————-

Ramri chungchang chinfel hi thil awlai chu a ni ngai lo. Amaherawhchu, foreign border leh state boundary erawh hi chu hriat pawlh lo hram ang u. Border chu UNO tan pawh chin fel mai harsa a nih laiin; state boundary erawh chu mahni ram (country) chin fel theih tur chi a ni e. Awlai taka chin fel zung zung chi erawh chu a ni chuang lem lo.

Assam nen hian kan ramri a buai chiah em? Kan economy chhiat remchangah an la a ni mai lo maw? Chumi hmanrua remchang atan chuan Bangladesh a\anga Muslim ho Assam state-a rawn lut ru hi an hmatheh a ni thei mai ang em? Tuna kan PM hi chuan Muslim lehnghal dan lova rawn lut rute hi hnawhchhuah vek a pawi ti lo niin a rin theih. Karimganj district velah phei chuan nasa takin India khua leh tui an ni ngei em tih hi an thlahtu bul chhuisakin hma an la nasa tawh nghe nghe a ni.

Assam nena kan ramri hi kan political party lian pahnihin politics-a an ham\hatna tur atan hman an lo tum rei tawk ta hle. An inpuh chhe tawn reng a, an ngaihthah hle ve ve lawi si. Maenga, Bethlehem Vengthlang kha a la dam em le? Ramri chungchang hi FAKSELNA kal tlangin nasa takin a aupui \hin kha a nia.

RL Chhanhima
————-

Kan budget pharh t^kah khan kut hnathawktute ham\hatna lam hawi hmuh tur a awm lo hle mai. A thlawna sem tur sum dah bak thiam leh ngaihtuah an la nei chuang lo. Kuminah pawh sawhthing chinga kut hnathawktute chu mangangin kan rum mek a ni. Kumtluana kan thawh chhuah hralhna mumal a han awm lo ngawt mai hi chu a na takzet a ni. A ngaihna hria leh kut hnathawktute hmangaitu sawrkar a din thuai kan va nghakhlel em.
Zo tlangval, Sawhthing qtl 20 chingtu
————-

Ka thil hriat chian chak \henkhatte:- 1. Engvangin nge Zophaia vai school kha Mizoram Police ten an ven. 2. Engvangin nge Zophaiah khan vai officer pakhat khan Mizoram Police te an lo kal dawn lo a tih theih. 3. Chanchinbu mi pakhat hnen a\anga hriat danin Mizoram Police officer khan enga tinge MZP te kha kah mai tur anga a sawi. MZP te kutthlak mai tura thu petu an awm em ni? 4. Hawla leh a naute hian MZP te an thlawp leh thut hian chhan leh vang a nei em? Inthlan kum ni lo ta se an thlawp leh thut ang em? A hria chuan min rawn chhang teh u le.
9485384086
————

Ram hmangaihtu tak ni lovin ram a hruai chuan mipui an rum a, an thlabar \hin. A chhungah hleih neihna a hluar a, dikna leh rinawm lohna-in hmun a chang tam tual tual a, ram hruaitu meuh te pawhin dawt sawi mai pawh an ching \hin a ni.
RK Sanga
————–

Kan ram party politics kalphung reng reng hi engvang nge kan Kristianna nen a inmil loh em em ni? A Pathian thu lo viau bawk \hin le?
No.thup
————–

Ramri chungchanga sorkar dem lotu chuan NLUP a dawng tawhah kei chuan ka ngai a, kan hma hun thlirtute tan chuan sorkar hi a dawih ta lutuk ka ti. Kut tuartute kan ni lova, MZP-te na tawrh ang hian tuar ve ta ila rilru na tur kan ni ve ngei ngei ang. Chuvangin mahni inchhung lum a\anga sawi lovin a hmuna awm Assam Police kut tuarte tan leh kan ramri chhan nana \halai, mahni inlum kalsana kut tuarte hmalakna zara Congress lo sawi mawitu chuan kan ramri leh kan Zoram hi a hmangaih tawk lovah ka ngai.
8974443076
————-

Keini chu remna siamtu party kan ni. Chumi zar zotute chu Mizo mipuite an ni.
Duata pu
————–

Ramri hi kan vei a, a dik a ni. Mahse, sorkar lai tih chhiat tumna ni anga lang thei tura inthlan dawn kum, sorkar tan pawh chet harsat huna MZP ten an bei vak mai hi chu a ngaih\hat thlak loh ka ti.
Lalthawvenga
————

Kan rama zu leh ruihhlo hluarna chhan chu 1. Mihringah chuan Mizote vang .2. Sakhuaah chuan Kristiante vang. A zuarte leh a hmangsual zingah hian Mizo leh Kristian an tam lawr lak.
The Communist
————–