MZP Gen Hqrs. in College Student Union hruaitute leh hnam pual zirlai hruaitu zinga degree nei tharte vawiina a chawimawina inkhawmah thu sawiin Pu L Ramdinliana Renthlei hian tunhnaia zritirtu lak thar, an mahni post-a joining report pe si, ai kal la tam tak an awm nghal tih a sawi a, heng mite hi sorkarin huntiam neia an post a awm tura a hriattirna zawm ngei turin an beisei tih a sawi a, sorkar thupek an awm ngei em tih MZP chuan a enzui dawn a ni a ti.
MZP in College Student Union hruaitute leh hnam pual zirlai hruaitu zinga degree nei thar an chawimawi hi mi 63 an ni a, an ni bakah hian June ni 12 a naupang rukbo chhanchuaktu Caroline Malsawmtluangi leh May ni 16 a khawvel tlangsang ber Mount Everest lawnchhuak TV. Johny Laltlanmawia te a bika chawimawina an hlan bawk. Inkhawm hi an pawl Vice President Pu Vanlaltana’n a kaihruai a, General Secretary Pu Lalnunmawia Pautu-in chawimawina an hlan chhan a sawifiah bakah chawhnu lamah Leadership training an buatsaih a ni.
