MP pahnihte hian MJA sawmna angin Aizawl Press Club hi an tlawh a, MJA member ten lo dawngsawngin Aizawl Press Club room hrang hrang fanpui an ni.
Thingpui inho paha inkawmhona hun tawi neihah MP pahnih te hnenah hian MJA hruaitute chuan MJA in Zohnahthlak hnam hrang hrangte inpumkhatna a ngaih pawimawh thu leh chumi atan chuan tunhma deuh atang tawha hmalakna pawh a lo neih ve thin thute an hrilh a, Myanmar ram Parliament-a Zohnahthlak MP 25 lai an awm ve ta leh Myanmar Vice President ah Zohnahthlak pa ngei a awm ta te chu MJA hruaitute chuan lawmawm an tih thu thlamuanthlak an tih thu MP pahnihte hi an hrilh a, Zohnahthlak hnam hrang hrangte inpumkhatna atana an beina kawngah MJA in tangkaina a neih dawn chuan a inhuam reng tih an hrilh bawk. MJA hruaitute hian MP pahnih te hi ram rawng an bawl zelna turah duhsakna an hlan a ni.
