Isua Krista Kohhran Gen. Hqrs. Vaivakawn, an chhinchhiahna atana Kraws sen hmang leh Isua Krisat Kohhran Gen. Hqrs. an chhinchhiahna atana Kraws var hmangte chuan inzawmkhawm lehna tura thu ngaihtuah tur chhawpchhuah an General Assemby ve veah ngaihtuahin nakkum January thla ral hmaa Hqrs. office pakhat neia inchhunfin leh an remti.

Isua Krista Kohhran Upper Republic-a Gen. Hqrs. nei leh Vaivakawna Gen. Hqrs. nei te hian Thenzawl leh Mamitah General Assembly an nei ve ve a, hetah hian Kohhran pakhata an awm leh theihna tura ruahmanna siamte ngaihtuah ve ve-in an pawm dun a ni. He Assembly Ningani a\anga neihah hian Mizoram pum huapa fa nei tam tura Kohhran chhungkua te inzirtir rawtna siam chu pawm a ni a, hemi bakah hian Isua Krista Kohhran Council, Mizoram-in Pathian Fakna Hlabu siam leh Council-a tel Hqrs. ten Rs. 1,00,000/- \heuh budget intuk turin Council rorelnaa rawtna thlen remtih a ni. IKK Council Mizoramah hian Bualpui NG, Vaivakawn leh Upper Republic-a Hqrs neite an tel a, huam zau zawka rawngbawlna neih theih nan khawvel hmun hrang hranga Isua Krista Kohhran awmte zawnchhuah a, rawngbawl ho tura hmalak remtih a ni a, kum 2019 Assembly budget atan Rs. 167,72,700/- pass a ni bawk.