Mizoram University Students Council (MZUSC), MZU-a thawkte leh zirtirtuten kar leh Thawh\anni a\anga tun thla ni 29 thleng, badge dum bel chunga pisa hna leh zirna chhunzawm leh phawt ni se an ti. Vawiina an \hut khawmnaah hei hi an titlu a, Vice Chancellor nghet neih an ngiatna kal mekah, University-in harsatna a tawh te, zirna leh hnathawhna tihsukuk a nih chungchang te leh, thil tih chhunzawm zel dan turte an rel a.
Lok Sabha member, Pu CL Ruala leh MZUSC hruaitute inbiakna a Pu CL Ruala’n Human Resource Development Minister, Pu Prakash Javadekar a biak thu leh Vice Chancellor ruatna file-in President hnen a thlen tawh thu te, ni 15 chhungin he file hian Ministry a thlen hman a beisei thu a lo hrilh nia sawi chu ziaka dah nih lo mah se, tun thla ni 29 thleng chu badge dum bel chungin zairna leh hnathawh chhunzawm leh phawt ni se an ti a, hemi chhung hian chhanna fumfe hmuh a nih loh chuan, Joint Committee-in thil tih zui dan tur an rel leh ang. Tun kar Zirtawpni thleng erawh chuan zirtirtu leh thawktu dangte hi an la dang rih dawn a ni.
