National Highway 54 Serchhip leh Keitum inkara kawng chhuat bal laih tlang a ni

0
569
views

Mizoram ch^k lakna kawngpui pawimawh ber, National Highway 54 Serchhip leh Kei\um inkara kawng chhuat bal vanga tun thla ni 14 a\anga ping chu vawiin tlai khan laih tlang leh a ni.

ZONET zawhna chhangin Chief Engineer Highway, Pu K. Lalsawmvela chuan he kawngpui chhuat bal meter 100 vela thui laih tlang leh hna hi kawng chhak lam ko sang tak lai bal thlaa thawh a ni tih a sawi a, lirthei kal theiha laih tlang a nih hnu hian kawng sir tawn tawna motor lian tangkhang awmte chu an kalna tur lam pana a theih ang anga chhuah an ni a, hemi hnu hian he kawng hi khar leh rih a ni. Motor-a kal zui theih nan kawng laih thar chhuat chu road roller-a chil muk phawt a ni ang a, chumi hnuah lung phah hna thawh zui a ni ang. He kawng laih thar chhuata lung phah tur hi helai hmun a\anga km 26 vela hla, Sentezel kham a\angin nimin, Pathianni a\ang khan thiar \an a ni a, tunah hian hmun remchang laiah chhekkhawl mek a ni. Lung phah hna hi a rang thei ang bera zawh tuma thawh zawh tum a ni a, hemi chhung hian he kawngah hian lirthei tlan tir rih loh a \ul dawn a ni. Kawng chhuat bal hi meter 100 vela thui nimahsela, tlema laih kual deuh a nih avang leh a tawn tawna kawng ruh awmsa nena inhne rem tura siam a ngaih avangin lung phah ngai chin hi meter 150 vela thui a ni dawn a ni.