Naupang kum 5 hnuailam zenghri venna pek runpui vawiin a\ang khan Zoram pumah \an a ni. He beihpuithlak hi Mizorama naupang kum 5 hnuailam mi 1,13,000 zenghri, polio laka an him theihna tur a ni a, Health & Family Welfare Deptt.-a Principal Director, Dr. F. Lallianhlira hovin he beihpuithlak hi \an a ni.

Zenghri danna vaccine pekna tur Polio Booth Mizoram hmun hrang hrangah 1,375 siam a ni. Tun \uma zenghri venna pek chungchanga mipuite hnena thuchah sawitu State Immunizaiton Officer, Dr. Lalzawmi chuan nu leh pa zawng zawngte chu an faten zenghri an vei lohna tur leh hrisel taka an awm theihna turin an tana sorkarin ruahmanna a siam hi chhawr \angkai turin a ngen a ni. Health Deptt. thuchhuah sawi danin India hi kum 2014 khan zenghri awm lohna rama puan ni tawh mah se \henawm ram leh hmun kilkhawr \henkhatah zeng hri vei hmuh chhuah an awm leh \hin avangin zenghri danna hi naupang kum 5 hnuailam pek chhunzawm zel a ni.