Mizoram sorkar Policy thar, New Economic Development Policy (NEDP) hnuaia sumdawnna lama tuite tanpuina tura duan Mizoram Kailawn – Business Plan Contest-ah mi 245-in an hnathawh dan tur ruahmanna an thehlut tawh. Sorkar hotute hnen atanga thu dawn danin, he ruahmanna hi NEDP hnuaia Entrepreneurship Development Monitoring Committee hnuaia bawhzui a ni a, hemi buaipui tur hian IIM Kolkata – Innovative Park chu thawhpui a ni a, ruahmanna hrang hrang lutte hi IIM Kolkata – Innovative Park-in a zir chian hnuah a tha zual 40 thlan chuah a ni ang. Thlan chhuate hming hi September ni 25-ah puan a ni dawn a, thlan chhuahte chu Group Camp leh Training buatsaihsak an nih hnuah October ni 10-ah Entrepreneurship Summit buatsaih a ni dawn a ni. Puan tawh angin Mizorama awmze nei leh zau zawka sumdawnna siamna atana duan, Mizoram Kailawn-Business Plan Contest hi kumin July ni 18 khan Planning Minister, Pu Lalsawta’n I&PR Auditorium-ah a hawng a ni.
