He inkhawm Vantawng Group YMA President, Pu Chawngsangliana kaihhruai hi Central YMA Assistant Secretary, Dr. Malsawmliana’n a hmanpui a.
YMA-in zirna uar kum apuan tak avangin ruihhlo do kawngah YMA chuan tha thlah an tum chuang lova, SRS pawh din chhoh leh tura ruahman mek anih thu a sawi a, Group leh Branch YMA-te chu ruihhlo do kawnga chak zawka hmala zel tura chahin, YMA Kumpuan Zirna Uar chungchanga hmala zel turin a chah a ni. District Youth Convention-ah hian thupui atan Zirna, Faina leh Hriselna tih hman a ni a, hemi chungchang hi Thenzawl Higher Secondary School Principal, Pu H. Lalmawia leh Thenzawla Integrated Ayush Hospital-a Medical Officer, Dr. VL. Remruati’n kalkhawmte an zirtir a ni.
He inkhawmah hian Serchhip District NYK Coordinator, Pi Mercy Sellate pawhin thu a sawi a, Vantawng Group YMA huam chhunga Branch hrang hrang hnenah infiamma bungrua sem a ni.
