NSUI chuan, JNU zirlaite chunga thil thleng chu CAA chungchanga BJP Zirlai pawl ABVP leh RSS te ruahmanna nia an ngaihthu an sawi a, kut inthlaknaah hian JNU Campus leh Girls Hostel te chu lung hmanga beih an nih thu leh bungrua engemaw zat tihchhiat a nih thu an sawi a, zirlaite leh an Professor te zingah hliam na tak tuar an awm tih sawiin, Zirlaite beih an nih lai hian Police te awm mahse engmah ti lovin an thlir liam mai nia sawi chu mak an tih thu an sawi.
NSUI chuan, December ni 13 a Delhi-a Jamia Islamia University zirlai ten CAA duh lohna an lantir \um pawhin kut inthlakna a lo thleng tawh tih an sawi a, Sakhua behchhana Zirlaite bei fo-ah BJP leh a thurualpui NDA-a tel te chu an puh a ni. NSUI Mizoram hian Mizoram pawna zirlai awmte chu kut an tawrh loh nan fimkhur turin an chah a, he buaina hian Mizoram chhunga Zirna in hrang hrang te a kan kai ve loh nan theih tawp chhuaha venghim turin Mizorama Zirlai Pawl lian MZP leh MSU te leh Tlawmgai Pawl hrang hrang te thawhho puiah an sawm tih an sawi.
