Ngopa leh NE Khawdungseia YMA member-te tan dan leh hrai chungchang zirtirna, Legal Awareness Campaign buatsaih

0
301
views

Champhai District Legal Services Authority leh Champhai Sub Hqrs YMA \angkawpin Ningani leh Zirtawpni khan Ngopa leh NE Khawdungseia YMA member-te tan dan leh hrai chungchang zirtirna, Legal Awareness Campaign an buatsaih a. He zirhonaah hian Champhai Addl. District & Session Judge, Pu R. Vanlalena, District Child Welfare Committee Chairman, Pu VL Chama Hnamte leh Asst. Public Prosecutor, Pu Lalchhuansanga Sailo-ten hursualna laka naute humhimna dan, Protection of Children from Sexual Offences (POCSO) Act-te, Narcotic Drugs and Psychotropic Substances Act, Juvenile Justice (Care and Protection of Children) Act, Arms Act, The Mizoram Money Lenders and Accredited Loan Providers Act leh Code of Criminal Procedure chungchanga hriattur pawimawh hrang hrang an hrilhfiah a. Mimal tinin dan hnuaia dikna chanvo an neih te bakah YMA member-ten dan hnuaia ram leh hnam humhalh tura an mawhphurhna leh an pawimawh ziate sawiho a ni a, mipui lam a\anga zawhna awmte hrilhfiah nghal a ni bawk. YMA member-te tana Legal Awareness Campaign buatsaih hi Ngopa BDO, Pi Lalhruaitluangi’n a hmanpui a ni.