National Institution for Transforming India (NITI) Aayog in India ram puma states 28 a district hnufual bik 115 a thlan zingah Mamit a tel a, hemi kaihhnawiha Mamit District-a hmalak dan tur ngaihtuahin vawiin khan Health & Family Welfare Department Principal Director hovin Health Dept hotute an \hukhawm.
District dinhmun teh nan hian hriselna lam, mipui nawlpui eizawnna, power supply, zirna lam, tui supply leh inthiarna \ha chungchang te hman a ni ber a, NITI Aayog in a beisei dan chuan heng District hnufual zual Aspirational districts thlan chhuah te hi state sawrkar ten ngai pawimawhin hmasawnna kawngah kum 2022-a thlen chin tur bituk lawkna District Vision Document & Action Plan 2022 duan chhuah tur a ni. Health & Family Welfare Department in hmalak dan tur ruahmanna an siam chu sorkarah an thehlut tawh a, District pumpuia mipuiten hriselna kawnga hma an sawn theihna turin ruahmanna chi hrang hrang an duang a ni.
