MHIP President Pi Saipuiin’n MHIP ah Politics lakluh a remti lo

0
1041
views

MHIP President Pi Saipuiin’n MHIP ah Politics lakluh a remti lo tih a sawi.

Khatla Branch MHIP kum 40 tlin lawmna ah thu sawiin, Politics avanga MHIP chhunga boruak \ha lo awm \hin te chu a bo vek tawh a ni a ti a, MHIP Gen. Hqrs hruaitu tam zawkte chu Minister leh MLA nupui te ni hlawm mahse President hna chelh chinah MHIP-ah Politics sawirik leh lakluh a remti lo tih a sawi a, President a nih chhung chuan MHIP thupui leh hmasawnna tur bak thil dang a leng dawn lo tih a sawi.

Khatla Branch MHIP President Pi Lalliani kaihhruai Ruby Jubillee lawmna hmanpuitu Aizawl West-III bialtu MLA Pu Vanlalzawma chuan MHIP in mite \anpui tih thupuia an hmang chu ropui a tih thu a sawi.

Khatla Branch MHIP hi Kum 1978 June ni 19 zana din a ni a, tunah hian member 1380 an awm mek a. Ruby Jubilee pual hian damdawi in a damlo leh damlo awmpuitu te bakah Inrinni tuk bazar-a thlai thar zuartute eitur an lo siamsak tawh a ni.