Nizana Mizoram hmun hniha chhiatna thleng avanga nunna chan te an sun thu leh mitthi chhungte an tawrhpui thu pawl hrang hrangin an sawi

0
285
views

Nizana Mizoram hmun hniha chhiatna thleng avanga nunna chan te an sun thu leh mitthi chhungte an tawrhpui thu pawl hrang hrangin an sawi.

MNF Gen. Hqrs. chuan chhiatna rapthlak tak thleng chu pawi an tih thu sawiin, chhanchhuah hna thawktu te inpekna chu fakawm an tih thu an sawi a, chhiat tawkte chu sorkar in a theih anga \anpui turin an ngen a ni.

Zoram People’s Movement (|angrual Pawl) General Headquarters pawhin thuchhuah siamin mihring nunna hlut tak \hahnem tak chan a ni chu pawi an tih thu leh mitthi chhungte an tawrhpui thu an sawi a, \anpui ngaite \anpuia thawk chhuak zawng zawngte fakawm an tih thu an sawi.

PRISM party pawhin tunhnai chhiatna thlenga nunna chante chu an sun thu leh mitthi chhungte an tawrhpui thu an sawi a, chhiattawk te chu a theih dan ang leh remchan dan ang zela ngaihsak a, \anpui turin sorkar an ngenpui a ni.

Central YMA chuan mitthi chhungte leh hliam tuar chhungte thinlung taka a tawrhpui thu sawiin hliamte chu dam leh thuai turin duhsakna an hlan a, Hetianga chhiatna nasa tak a lo thlen a tlawmngaia tanpui ngaite tanpui tura YMA member-te inpekna chu ropui an tih thu leh chhuawnawm an tih thu sawiin, Mizo tlawmngaihna chhawmnung zel turin YMA member zawng zawngte a ngen a ni.