World Environment Day pualin Environment Forest and Climate Change Department-a Aizawl Forest Division-in Chite lui thenfai hnatlang an nei a. Hnatlang \an hmaa inkhawm tawi buatsaihah Aizawl DFO, Pu V. Vanlalena chuan, thing leh mau cherem zel vanga boruak chhe zel chu khawvel huapa ngaihpawimawh tham tling a ni tih sawiin, hemi humhalh kawnga hmalak chu Sorkar laipui pawhin a ngai pawimawh hle a ni, a ti a. Plastic \awih thei lo vanga leilung chhe zel chu khawvelin a ngaimawh tawh a, Plastic lam kaihhnawih chu hman phal loh tihna ni lovin loh theih lohna avanga hmang an awm a nih pawhin Sorkar-in hman a phal chin bak hmang lo turin mipuite a chah a ni. He inkhawmah hian Aizawl Forest Division-a Assistant Conservator of Forest, Pu Rongura Hrahsel pawhin thu a sawi bawk. He hnatlangah hian Govt. Chaltlang Higher Secondary School-a NSS Unit member-te leh Govt. Ramthar Middle School naupangten Chite lui hi an thianfai a ni.
