NLUP Implementing Board Vice Chairman, Pu PL Thanga’n NLUP Trade hrang hrang zingah Auto Rickshaw chu a hlawhtling ber nia an ngaih thu a sawi

0
236
views

NLUP Implementing Board Vice Chairman, Pu PL Thanga’n NLUP Trade hrang hrang zingah Auto Rickshaw chu a hlawhtling ber nia an ngaih thu sawiin, a dawngtute hlawhtlin dan zirchianna chu Chief Minister-in a tlangzarh thuai dawn tih a sawi.

Pu PL Thanga hian NLUP hlawhtlinna hrang hrang nizan khan Aijal Club-ah chanchinthar lakhawmtute a hrilhfiah a. NLUP chu kum 8 zet kalpui a nih hnuah pawh Mizo mipui zaa 80 velin an la hrechiang tawk lo nia sawiin, NLUP chu a thlawna sum semna ringawt ni lovin ram leilung \angkai zawka hman a nih theih nana hmalakna a ni tih a sawi. Pu PL Thanga chuan, Mizorama ramngaw zingah zaa 0.64 chiah ngawdur \ha \ha a awm a, NLUP hmangin ngawdur \ha hi zaa 70 tling tura \anlak mek niin, Zotheihuan, tun hnua Mizoram Environment & Forest Consultative Forum nen khaw 132-ah ram sq. kilometre 5,500 a zauah \anlak mek a nih thu a sawi a. He hmalakna hnuaiah hian tuihna tipung tur te, luitui tlem zel siam\haa tui tam zawk a awm theih nan te, nungcha chi hrang hrangin eitur tam zawk an neih theih nana an chaw tihpun chu an thil tum ber a ni a, hemi piah lamah hian mimal leh chhungkaw tinin eizawnna ngelnghet an neih theih nana \anlak chu NLUP thil tum a ni tih a sawi.

Zawhna chhangin Pu PL Thanga chuan, NLUP kalpui a nih dawn khan Agriculture Department-in Soil Map a siam rin a ni a, hei hi a tirah chuan rintlak tura ngaih ni mah se, a taka hmalak a harsa ta niin a sawi a, mipui mai ni lo Sorkar hnathawk lian tak tak zingah pawh Mizoram Budget a\anga NLUP sum dah a nih vanga harsatna tawh phah anga ngai an awm \hin chu thudik lo nia sawiin, NLUP chu Mizoram Budget chhunga mi ni mah se, NLUP vang hian sum leh paiah harsatna a awm phah lo niin a sawi.

NLUP Implementing Board Secretary, Pu James Lalrinchhana pawhin, NLUP chu cheng nuai 1 inpekna satliah mai a nih loh thu sawiin, NLUP hmang hian ei leh bara intodelh tur leh eizawnna ngelnghet nei tura a tak hmalak a nih thu a sawi a. NLUP dawngtu zingah hlawhtling lo awm bawk mah se, Trade hrang hrangah a hlawhtlinna hmuh chhoh mek zel a nih thu a sawi a. He inkawm honaah hian NLUP kalpuinaa Mizoram Sorkar thawhpui Mizoram Remote Sensing Application Centre (MIRSAC) lama mithiamten NLUP hnuaia ram leilung hmang \angkai tura hmalak a nih dan an sawifiah bawk.