NPP National President, Meghalaya Chief Minister ni bawk, Pu Conrad Sangma-a’n NPP chu hmarchhak bial Tribal leh Kristian-te tana Parliament-a au thei awm chhun an ni tih sawiin, kristian sakhaw humhim duhtute chu NPP candidate vote vek turin a sawm.

Pu Conrad Sangma hian Mizoram inthlanpui neih tura Serchhip biala an Party candidate, Pu Kapliana Pachuau tan vawiin khan Serchhip-ah a campaign a, Serchhip Bazara vantlang inkhawmah thusawiin, NPP chu Party naupang te mah nise State 4-a sorkarna siamtute zingah an tel thu sawiin, Mizoram tan pawh Politics a inthlak thleng hun atan tun hi hun duhawm a nih avangin danglamna thlen turin NPP candidate chu vote turin mipuite a sawm a ni.

Serchhip biala NPP Candidate, Pu Kapliana Pachuau pawhin thusawiin, Serchhip bialin MLA engemawzat an nei tawh a, heng mite hnenah hian harsatna an tawh thulhah harsatna an thlen ngam ngai loh avangin an bial mipuite chu engtik lai pawha harsatna an thlen theihna tur an bial mi ngei amah chu vote vek turin a ngen a ni.