Pangang Fall Army Worm puang hian Tanhril-a Pu Lalsawta Vaimin hmun chu beiin a ei chhe nasa hle.

0
229
views

Pu Lalsawta vaimim huan hi Agriculture Department Director Pu Rohmingthanga Colney leh mithiam dangten vawiin khan an tlawh a, Fall Army Worm pangang hi Mizoram District zawng zawngah hmuh a ni tawh tih a sawi a, a thahna hlo chu an haw hle tih sawiin, Pu Lalsawta huana vaimim te hi a kung a len deuh tawh avangin chhan theih an beisei tih a sawi.

Pu Rohmingthanga Colney Audio..1 (1.30min)

Zawhna chhangin Pu Rohmingthanga Colney chuan, rannung thahna atana an hlo hman chu mihring tan a hlauhawm thei a, bawlhlo hnathawh hun chhung a zawh tawh hnuah erawh chuan thlai te chu ei ngam vek a ni tawh tih a sawi.

(Pu Rohmingthanga Colney Audio..2 (1.16 mins) (Rsa)

ZONET zawhna chhangin huan neitu Pu Lalsawta chuan, tun thla tir lam khan a vaimim te hi a danglam \an tih sawiin a tirah thlai natna pangngai emaw an tih laiin a nasat zel tak avangin an enchian hnuah vaimin hnah karah pangang hi an hmu ta tih a sawi a, Thawh\anni khan a thahna hlo hmangin a lo kap tawh a, a damdawi hman chuan hna a thawk hle nia a hriat thu a sawi.

Vaimin te hi a hnah leh a zik chu pangang hian a eichhe hle a, pangang hi a biru thei ang berin a hnah inzial karah an awm a, thawh\anni khan huan neitu Pu Lalsawta’n rannung thahna hloa a lo kah tawh avangin pangang te hi a thi deuh vek a, a thi rawp leh thi thar deuh te hmuh tur a la awm nual a, pangang hian hian puma vaimin zawng zawng a khawih vek a ni.