Indian National Trust for Art and Culture Heritage leh Education Deptt. \angkawp buatsaih, Gandhi at 150 tih thupui hmanga zirlaite inelna hi ram pum huapa buatsaih a ni a, Aizawlah chuan Art & Culture Minister Pu R Lalzirliana’n a hawnna inkhawm a hmanpui a, zirlaite chu inelna sang zawka tel thei tura inbuatsaih turin a fuih a, Pu Gandhi-a’n midangten dinhmun \ha chelh se tih rilru a pu tlat te, a inngaihtlawmna te, a tumruhna te chu mitin tan entawntlak a ni a ti a, faina leh thianghlimna kawngah hmasawnna tur tam tak a la awm tih sawiin, \henawm leh khawtlang zah lohna hian faina kawngah nghawng na tak a nei a, insiam \hat a \ul hle a ni a ti.
India ram pum huap a themthiamna leh hnam ro humhalh leh chawisangtu pawl INTACH hi kum 1984 khan din a ni a, India rama hnam tin ten an pipute a\anga rochun thil, hnam ro bo pil mai tur humhalh leh chung thil te chu venhim a \ulzia inzirtirna lamah hma an la a ni.
