Pay Commission 7-na anga Mizoram sorkar hnathawkte hlawh pek dan tur zirchiangtu Pay Committee 2017 in sorkar hnthawkte hlawhbi thar July ni 1 atanga hman tan turin a rawt

0
1310
views

Pay Commission 7-na anga Mizoram sorkar hnathawkte hlawh pek dan tur zirchiangtu Pay Committee 2017 in sorkar hnthawkte hlawhbi thar July ni 1 a\anga hman \an turin a rawt a, chawhrualin sorkar hnathawkte hlawh hi zaa 18 velin a pung ang a, rawtna anga sorkar hnathawkte hlawh pek a nih chuan thlatin sorkarin cheng vaibelchhe 66 nuai 77 a sen belh a \ul dawn.

Pay Committee hian vawiin khan Finance Minister Pu Lalsawta hnenah an zirchianna report hi an thehlut a. Pay Committee Chairman Pu H Liansailova chuan state dang, Orrisa, Meghalaya, Nagaland, Assam, Arunachal, Manipur leh Tripura te kal dan an enfiah thu a sawi a, Mizoram sorkar phak tawk tur mila an rawtna chu siam a nih thu a sawi. Pu H Liansailova chuan rawtna an siamah hian kum 2010 a pay structure leh Pay band te khawih danglam a ni lo tih a sawi a, Hlawh thar turah hian sorkar hnathawkte hlawh chu pung viau tur angin lang mahse, a punna hi zaa 18 vel a ni dawn tih a sawi a, Pensioner te chungchang pawh an ngaihtuah tel tih a sawi bawk. Finance Minister Pu Lalsawta pawhin thusawiin sorkar hnthawkte intelkhawm FMGEW in 7th Pay chungchanga thawm an neih rualin sumdawng \henkhatin an bungraw man tihsan nghal an tum niin a sawi a, hei hi thil \ha lo tak a ni a ti a, Pay Committee zirchianna chu Cabinet in a thlir leh phawt hnuah hman a ni dawn em tih chu a hriat theih chauh dawn a ni a ti a, mipui tawrhna thlen zawnga thil man lo ti sang ngawt lo turin sumdawng te a chah a ni. Ruahman lawk dan chuan, Pay Committee reoprt hi CM hnena thehluh tur a ni a, CM hi a nawm sam loh avangin Finance Minister hnenah hian thehluh a ni ta zawk a, Chairman Pu H Liansailova hi member dangten an \awiawm a ni.