Congress sorkarah sum tam tak awm mahse mipui hnen thleng phak a thlem hle niin MNF President Pu Zoramthanga’n a sawi

0
217
views

Congress sorkarah sum tam tak awm mahse mipui hnen thleng phak a tlem hle niin MNF President Pu Zoramthanga’n a sawi. Vawiina Kolasib Block MNF vantlang inkhawm buatsaihah he thu hi a sawi a. Pu Zoramthanga chuan, congress chu Budget sum a chi tura sorkar laipuiin a rawn pek peipun tum lova eizo zelah puhin hemi avang hian mipuiin sum harsatna an tawh phah niin a sawi a, hmasawnna hnathawh a chawl \huap nia sawiin, kawngchhe siam chu mipuiin an tih turah an ngai tawh hial niin a sawi. Pu Zoramthanga chuan, SEDP chu Congress NLUP ang a ni lo a, chhung tinin bul an \an a\anga eizawnna thling khawpa hma a lak theih nan cheng nuai 3 a \anpuina tur a ni a ti a, a taka thawk lo leh hma la lo te tan SEDP sum beisei chi a ni dawn lo tih a sawi. Mi \henkhatin khawia sum nge an hman dawn tih an zawhna chu chhangin Pu Zoramthanga chuan, thuneihna an chan laia building hrang hrang an sak te chu Mizoram Budget ni lo Sorkar laipui a\anga a hrana sum an pawh chhuah a nih avangin hetiang bawk hian an pawt chhuak leh mai dawn niin a sawi a, Congress sorkar chu a ngaihna hre lovah puhin, an ni ang chu an ni ve dawn lo niin a sawi.