Power & Electricity Minister, Pu R. Lalzirliana’n nimin khan Rabung khuaah 33KV Sub Station thar a hawng.

0
238
views

Hemi hnua Rabung Community Hall-a Vantlang inkhawmah thusawiin Minister chuan Rabung khuaah BPL an awm lo chu chhuanawm a tih thu sawiin, a khaw mipuite chu zirna ngai pawimawh turin a fuih a, zirna chu khawtlang hmasawnna leh ram leh hnam humhalhna atan pawh thil pawimawh a ni tih sawiin, sorkar hna lian chelh thei khawpa zirna lama \an la turin a chah a ni. He inkhawm Power Secretary, Pu H. Lalengmawia kaihhruaiah hian Pu TT Zothansanga MLA chuan an khua chu BPL an awm loh avangin khaw entawn tlak, Model Village atan an thlang niin a sawi a, chumi avang chuan cheng nuai 40 an dawng ang a, LAD a\angin khawtlang hmasawn nan cheng nuai 20 sengin hnathawh a ni dawn niin a sawi bawk. He Sub Station hi RGGVY hnuaia cheng vbc 6.7 senga siam a ni a, Rabung khua bakah Murlen, Tualpui, Khualen, Aiduzawl leh Pamchungte a chawm dawn a ni.