Vawiin chawhma dar 9:30 leh tlai dar 4 inkarah khan Serchhip Kawnpui Kohhran Biak inah rorel inkhawm neih a ni a, Central K|P hruaitu turte thlan chhuah hmasak an nih hnuah, Moderator Rev. R.Lalchangliana kaihhruaiin palaiten ro an rel a, kum 2024 General Conference thleng turin Ngopa thlan a ni a, a hun atan February ni 29 a\anga March ni 3 an ruatfel a, Youth Recreation Centre sak mek chhunzawmna turin khawpui chhung member ten cheng 50 leh khawpui area-ah cheng 30 bakah thingtlang-a cheng member ten cheng 20 \heuh thawh khawm an rel a, YRC pual hian K|P inkhawm \um khat thawhlawm dah an rel bawk.
Chhawmdawlna pual leh Hospital Charity Fund atan inkhawm vawi khat ve ve thawhlawm dah an rel a, ram tan leh ruihhlo ngaite pual leh VC leh LC inthlan lo awm tur atan leh HIV/AIDS veite puala chawngheia \awng\ai an rel bakah HIV/AIDS chungchang zau zawka inzirtirna kawngah Central K|P in chak leh zualin hmala se an ti a, ram, khawtlang leh kohhrana |halaite pawimawhna inzirtirna buatsaih an rel bawk a ni.
Rorel inkhawmah hian kum 2020-21 budget-ah K|P puala thawh chhuah tur Rs. 20,87,000 leh Synod a\anga puina tur Rs. 39,19,000, a vaiin Rs. 60,06,000 pawm a ni.
KTP Gen Conference Vawi 58-na hmang tur hian vawiin thleng khan Palai an la thlen belh zel a, zanin Pathian Biak Inkhawmah Speaker Rev R Lalrosiama’n thupui ‘Felna Hriamhrei’ tih hmangin Pathian thuchah a puang chhuak ang a, Inkhawm banah KTP Golden Jubillee lawmna Concert neih a ni ang. Serchhip Leisekawt Field-a neih mek KTP General Conference hi naktuk zanah a \iak ang.
