Presbyterian Kohhran khawmpui lian statistician te report

0
609
views

Tun hnaia Presbyterian Kohhran hnuaia inkhawmpui lian, Presbytery inkhawmpuia Presbytery 36-a Statistician-te report a\anga a lan danin, kum khat kal ta chhung khan he Kohhranah hian mipa 1,993 an thi a, hmeichhia 1,076 an thi. Presbytery 36-ah hian mipa aia hmeichhe thi tam zawkna pakhatmah a awm lova, mipa thi an tam zawk vek a, an inhnaihna ber chu Chhimtawp Presbytery-ah a ni a, mipa 14, hmeichhia 13 an thi a ni. Presbyterian Kohhran hi Mizorama Kohhran member ngah ber an nih avang leh, heng Presbytery bâk hi chu Presbytery dang tlem te chauh a awm avangin, Presbytery 36-a thil awm dan hi Mizoram pumpui dinhmun thlirna atan hmantlak a nih hmel hle a, mitthi zat hi Aizawl Bethel Presbytery-ah mipa 140 leh hmeichhe 80, Aizawl Central Presbytery-ah mipa 143 leh hmeichhe 74, Aizawl Chhim Presbytery-ah mipa 93 leh hmeichhe 46, Aizawl Chhimthlang Presbytery-ah mipa 107 leh hmeichhe 40, Aizawl East Presbytery-ah mipa 151 leh hmeichhe 66, Aizawl Hmar Presbytery-ah mipa 98 leh hmeichhe 51, Aizawl West-I Presbytery-ah mipa 103 leh hmeichhe 50, Aizawl West-II Presbytery-ah mipa 81 leh hmeichhe 29, Champhai North Presbytery-ah mipa 97 leh hmeichhe 62, Champhai South Presbytery-ah mipa 58 leh hmeichhe 22, Dampa Presbytery-ah mipa 40 leh hmeichhe 20, Kolasib Presbytery-ah mipa 91 leh hmeichhe 44 an ni a, kumina KTP Rorel Inkhawm report-a a lan danah pawh, nikum, 2016 chhunga KTP member, kum 40 hnuai lam thi zawng zawng, 466 zinga 417 chu mipa an ni a, a b^k 49 chu hmeichhia an ni a, hei hian Mizoramah tlangval leh pavalai an thi nasa hle tih a tilang a ni.