Kawngpui \ha chu hmasawnna bul a nih avangin a \ha tur a ni tih chu an Party ngaihdan a nih thu a sawi a, hemi atana hmalakaah kawngpui enkawl chu Department kuta dah lovin pawn lam a\anga a enkawltu tur rawih a ni dawn a, a neitu thinlung pua khawtlang leh a hmangtu mipuiten an enkawl tawh dawn avangin kawngpui te chu a \ha tawh dawn niin a sawi.
Pu Vanlalruata chuan, kawngpui \ha tel lo chuan hma a sawn theih loh nia sawiin, kawngpui \hat leh \hat loh chu hmasawn leh hmasawn loh tehna tling a ni a, tun dinhmunah chuan Mizoram kawngpuite chu a chhe tial tial a, hman lawka darkar 5 chhunga thlen theih kha tunah chuan darkar 8 dawn hun hman a ngai ta nia sawiin, hei hian Mizoram chu hma sawn lovin a hnungtawlh tih a lantir niin a sawi.
Street Campaign hi Kulikawn, Thakthing, Mission Vengthlang, Nursery, Bungkawn, Govt. Complex, Ramrikawn, Chawlhhmun, Zonuam leh Chhangurkawnah-te neih a ni a, hetah hian Prism-in MLA candidate atana a puan Pu B Vanlalhruaia, Pu Lalrinzuala Chawngthu, Pu RL. Liantluanga leh Secretary, Pu Saisanga Sailo-in thu an sawi a ni.
