MLA hi District Veterianary Officer Dr C Zarzokima leh a thawhpui ten an lo dawngsawng a ni. Siaha a Veterinary District Hospital-ah hian tun dinhmunah Doctor pakhat chauh a awma, nitina ran damlo enkawl ngai awm thin chu chawhrualin 60 vel a tlinga, Siaha District-ah hian Veterrinary Doctor Post 5 awmah Siahaah leh Tipa-ah chuah tundinhmunah Doctor an awma, VFA Post 13 awmah 5 chauh an awm bawk a, Office-ah hnathawktu an indaihlo hle bawka, hei vang hian NLUP hnuaia ranvulhtute tan pawh harsatna a thleng mek niin an sawi a ni. Siaha DVO chhinchhah dan chuan kumin February a\anga May thla thleng khan Siaha District-ah PRRS leh hri dang vanga vawk thi zat chu 420 an tlinga, tunah erawh chuan vawk hri hi a leng tawhlo a ni. Dr K. Beichhua hian vawin vek khan Siaha a AH& Vety. Farm a tlawh a, MLA Area Development Fund hmanga laih, Farm kawng Metre 820 a thui leh farma ran vulhte a ena, tun dinhmunah Bawng 32 an awma, chung zinga 13 chu a puitling an ni.
