PRISM President, Pu Vanlalruata’n Serchhip biala ding turin nimin khan Returning Officer, Pi Sangchhin Chinzah Office-ah a hming a pe lut.

0
403
views

 

Amah bakah hian PRISM Party ticket-a ding turin an party Deputy Chief Organizer, Pu RC Rohmingthanga pawhin Returning Officer, Pu Lalduhzuala Office-ah a hming a pe lut bawk. A hming a pek lut zawha thuthar thehdarhtute a kawmnaah Pu Vanlalruata chuan Serchhip District chu Mizoram lailia awm, buh leh thlai thar chhuah bakah puantah thlenga nasa taka hmalakna, Mizoram intodelhna tura District pawimawh niin a sawi a, chaw lam chi sawngbawlna hmunpui lian tak siam theihna tur niin a sawi bawk. A nomination thehluhnaah hian Affidavit hmanga Pu Vanlalruata’n a thil neih a tarlante chu a nupui nena an sum neih Rs. 37,714/- leh a enkawlte sum neih Rs.539/- a ni a, motor a nei lova, tlereuh lam chi thil hlu a nei lova, in nei lovin ram pakhat, a hlut zawng Rs 7,50,000/- hu vel a nei tih a tarlang a ni.