Prism President, Pu Vanlalruata’n tun hnaia Mizoram Sorkar-in Lokayukta Search Committee a din thar leh chu dan kalh nia sawiin, hei hi Lokayukta din vat a nih loh nana Sorkar-in tihkhawtlai a tumna mai nia an hriat thu a sawi.
Upper Republic-a an pawl Pisa-a thuthar lakhawmtute a kawmnaah Pu Vanlalruata chuan, Congress party hian kum 2008 inthlan dawn khan Vigilance Commission din an tiam nia sawiin, hei hi an tihhlawhtling lova, kum 2013 inthlan dawnah Lokayukta an siam leh a, hei pawh hi vawiin thlenga tihpuitlin a la ni ta chuang lo nia sawiin, he thila sorkar hmalak dan chu a tihpuitlin lam aia tihkhawtlai dan zawnna a ang zawk mah tih sawiin, Prism-in thuneihna an chang a nih chuan, Lokayukta hi din ngei a ni dawn a. An sorkar a\anga thla 6 chhungin an tihlawhtling nghal dawn niin a sawi.
